Category Archives: bilketak

MATERIAL BILKETA

Aupa!!

Jakingo dozuenez iaztik martxan gabiz Ondo Etorri Errefuxiatuak taldea. Gerratik ihesean dabiltzan pertsonak bizitzen ari diren egoeraz arduratuta batzen hasi ginen arratiar batzuk eta holan sortu gendun talde hau.

Giza Eskubideen Deklarazio Unibertsalak (1948) dioenez, “pertsona guztiek daukate munduan joan eta etorri aske ibiltzeko eskubidea eta bizilekua aukeratzekoa”, eta “pertsona guztiek daukate edozein herrialdetan babesa bilatu eta izateko eskubidea”. Sinismen honetan ezinbestekoa egin zaigu lanean hastea, pertsona guztien eskubideak bermatuak izan daitezan herritar moduan gure garautxoa jarriz.

Horretarako hainbat dira danon artean antolatu ditugun ekintzak, batzuk Arratia mailan eta beste batzuk herri mailan. Ekintza hauen helburu nagusiak bi izan dira.  Alde batetik,  herritarrok kontzientzia hartzea, hau ez baita batzuen arazoa bakarrik, herritar ororen arazoa baizik. Eta bestetik, hemendik egin dezakeguna egitea; instituzio publikoei beraien inplikazioa exigitzea eta ahal dugun neurrian pertsona hauen beharrizanei aurre egiteko dirua batzea.

Azken honetan lanean jarraitzeko Abenduak 18an Areatzan Bigarren Eskuko Azoka antolatuko da. Azokan saltzeko Lemoatik gure materiala eroango dugu.

Zuri, pertsona zein elkarte,  zerbait aportatzea eskatzen dizugu; erabiltzen ez duzun baina beste pertsona bati balio ahal dion zerbait, zure eskuekin sortu eta saldu nahi duzun zerbait, …..

Lemoan, material bilketa Karabie Gaztetxean egingo da. Abenduak 9 ostiralean, 17.00tatik 21.00etara eta abenduak 10, larunbata, 11.00tatik 13.00etara. 

Jaiotzen garen lekua ez dugu aukeratzen! Danok gara personak!! Giza Eskubideak bermatzearen erantzunkizuna norbanako guztiori dagokigu!

azoka-solidarioa-bilketa-lemoan

Advertisements

SAHARARAKO MATERIAL BILKETA

Lemoako gazte talde batek hile honen amaieran Saharara bidaia bat egingo dau, Tindoufeko errefuxiatuen kanpamentura, hain zuzen be. Bertako auzoatan eta eskolan proiektu txiki bat martxan ipinteko helburuagaz doaz; aisialdirako baliabideak eskaini gura dabez, haur eta gazteen irudimena sustatuteko. Ez hori bakarrik, han dagozan bestelako beharrizanak gitxituteko asmoz, material-bilketa egiten dabiz: higienerako produktoak (gel, dodotisak, konpresak…), medikamentuak, aisialdirako materiala (jolasak, margoak..) etab. jasoten dabiz. Parte hartu gura izinez gero, Lemoako Karabie Gaztetxean bilketa hori jasoteko ipinita dauen kajan itzi zeinke materiala. Azkeneko egune Martxoak 18 izingo da. Eskerrik asko 😉

DONBASSEKIN ELKARTASUNA

1453252_455587121293457_6833003980951034715_n

Europar eta estatubatuar inperialistek finantziaturiko, armatutako eta babestutako Ukrainako Junta nazi-faxista estatu-kolpearen bidez ezarri zenetik, Donbass eskualdeko Donetsk eta Lugansk Herri Errepubliken aurkako jazarpenak ez du etenik izan. Herri erresistenztia demokratiko eta antifaxista hau “errusiartzale”-tzat aurkezten digute han-hemenka herriak suntsitzen dituzten inperialisten jabego diren komunikabideek, bertan zer gertatzen ari denaren gaineko manipulazio eta desitxuraketa sortzeko eta munduko langileon arteko elkartasun internazionalista ekiditzeko. Euskal Herrian hainbat kontzientziazio kanpaina burutu egin dira, gai honen inguruan informazioa emateko eta elkartasuna bultzatzeko.

Heltzen zaizkigun datuen arabera orain arte 11.000 zibil hil eta 17.000 zauritu dira eta horrez gain 2 milloi desplazaturik daude.

Datozen hilabeteotan -Abendua, Urtarrila-, Donbassen aldeko giza laguntza batzeari ekingo zaio berriz ere Euskal Herrian, EH DONBASS ELKARTASUN KOMITEAk antolatu eta bultzatuta. Bilboaldeko mugimendu antifaxistako zenbait eragilek bat egin dugu ekimenarekin: Itsas-edukiontzi bat betetzeko 3 tona falta dira. Lagun gaitzazu zeregina betetzen!

ZER BEHAR DUTEN?

Medikamentuak

Latex eskularruak, batak, bisturiak, antibiotikoak, desinfektatzaileak, sueroa, betadine, gasak, tiritak…

Higiene

Hortzetako eskuilak, emakumeentzako konpresak, helduentzako pixoihalak, gel, xaboi pastillak (txinbo)…

Umeak

Pixoihalak, hauts esnea, eskolarako materiala…

BILKETA PUNTUAK

Makala gaztetxea (Barakaldo), Arana Taberna (Portugalete), La Kelo gaztetxea (Santurtzi), Bilbiko Gazte Lokala (Bilbao La Vieja) Deustuko Gazte Lokala / Pajareria (Bilbo) Hegoetxea (Irala-Bilbo) Kabia Kultur Elkartea (San Inazio-Bilbo) Ipar Haizea (Olabeaga-Bilbo) Karabie gaztetxea (Lemoa) Aretxabala Herriko Taberna (Larrabetzu)