Category Archives: korrika kulturala

KORRIKA

Korrika Euskal Herriko hainbat txokotara heltzean dan moduen, euskal herritar askoren bihotzetara be helduten da. Karabien be ilusioa eta urduritasuna igertan zan giroan eta izitez, loari aurre iteko hori nahikoa izin arren, guk badaezpada itxaronaldia eroangarriagoa egiteko egitaraua prestatu gindun.

Egie esan poteoa berotuten hasteko asmoagaz antolatu zan eta berandu (oso berandu) hasi arren nahiko hotza izin zan. Gitxi ginen eta ginenon artean gaixoak be aukin ginduzen. Beraz, panoramea ez zan oso itxaropentsue. Are gitxiau bertaratuen galapan iteko teknikea agerien geratu zanean. Eskerrak korrika eztala esfortsu tekniko handie eskatan dauen lasterketa bat… edo hori pentsetan gindun behintzat.

Afarien ostera, tropeltsu polit bet batu ginen. Holango kasuetan beti pasetan dan moduen, janari piloa sobrau zan. Norberak gauze bat eroan behar dauenean kontuten aukin behogune da berez eroan behar dan razio kopurue pertsona batentzakoa izin behadala. Baina behin sukaldatuten hasite ba benga 10 sandwich, tortilla bat, beste tortilla bat, beste tortilla bat (eskerrak asanbladan komentau zala tortilleakaz kontuz ibilteko), ensalada kantidade indrustrialetan… Ta behin beteta zauzenean ta mahaiek ondikoarren zure besteko betekadea dekola ikusten dozunean, orduen konturatuten zara postrea be atarateko dauela. Dozenaka pasta, kroasanak, pastelak, bizkotxoak… Eztakit benetan arazoa antolakuntza mugatu bat dan edo mugarik gabeko elkartasuna.

Globoak be ondo bete ginduzen patata beroan. Eztozten bape harrituko gau horren ostean batan batek globoei fobia hartu izanak. Horren errudunek infladoreagaz ibili zirenak dire. Bea helburue hori zanez, uste dot txalo bero bat merezi dauriela. Ta txaloak guk emon beharko doguz eurik ondikoarren aukin behar dauriezen agujetakaz besoak be ezingo dauriezelako mogidu. Zelango ritmoa… tranpak inez be ia inposiblea zan eztandak ekiditutea.

Ta guzti horren ostean, azkenean, korrika heldu zan. Aurtengo gaie zirkoa zala aprobetxatuz eta bideoari be keinu bat itearren, mozorroren bat eta tuturen bat be korrikan parte izin ziren. Buruhandi bi be urten ziren gaztetxetik. Bat ondikoarren “busca y capturan” segiduten dau, beraz hortik ikusten badozue ekarri gaztetxera bueltan. Hainbesteko esfortsu fisikoak desorientatuta itzi dauela emoten dau. Testigantzak diñorie igorrerantza sudur gorri bategaz tiritu zauen batek ia ia gurutze gorriegaz usansolorantza tiritu behar izin zauela. Ondikoarren faltetan jakuzen testigantzak ordea korrika amaieran joan zireanak dire. Argi dau zeozerrengandik ihesi joan ginela, bea ondikoarren eztogu lortu jakitea zer zan. Gure helburue atzean joan zirenakaz berba itea zan ia eurik zeozer ikusi zaurien galdetuteko, bea lenago edo beranduego atzean gelditan ziren eta segundu pare baten bueltan gure bistatik galduten ziren. Espero dogu dauzen lekuen dauzela ondo egotea. Horren aurrean zoriondutea gaztetxean izenean duitasunez lekukoa eroan zauen bikoteari. Eskerrak kilometro horretan ezala radarrik egon, bertan pilatu zan jente guztiegaz ez dodalako uste multea pagetako kapazak izingo ginenik.

Beraz, pote bakotzean gure kirolari gaitasunak murriztuz, pintxo bakotzean gure gorputzan pisue handituz eta globo bakotzean energia galduz prestatu gindun gure bizitzako korrikarik bizkorrenari. Askok zorotzat hartuko gaituzte eta guk harro, zoroak garela baieztatuko dogu.

KORRIKA

Aurten be KORRIKA gauez pasetan da Lemoatik. Argi dau beso zabalik itxongo dogule baina… begiek be zabalik aguanteko daurie? Hona hemen logureari aurre iteko harriketarrok planteatutako formula!! Osasunaren espezialisten esanetan hidratetea oinarrizkoa dalako, janarie gure motorra dalako ta barre itea beharrezkoa dalako… Erdu eguenean gugez batera korrikari itxoten!! Ameste jarraituteko Lemoan lorik ez!!!

korrika

KORRIKA KULTURALA

Gaur irratiek 20. Korrikak bere lehen pausue emongo dauela esan dau, baia Lemoak jada, horren harire, pausu handi bet emon zauen zapatuen.

Onartu behar dogu prestaketa lanak eztirela errezak izin. Zalantzak, eztabaidak, moldaketak… Azken finean, bideogintzaren munduen ezagutza eskasekin eta kamararekin esperientzia gitxi aukin dauen jenteagaz abiatu ginen proiektu honetan. Egie da, igual bideoa eztala geratu gureko gindun moduen, baia saiatu izanak harrotuten gaitu eta ausardiaz esan geinke egunaren emaitza oso positiboa izin zala.

Asko dire euripean dantza egitera animetan doskuezan kantak. Zapatuen guk, hori posiblea zala frogatu gindun. Belaunaldien arteko lanagaz herrie alaitasunez, dantzaz eta umorez bete gindun, beste behin be, ilusioz giro euskalduna bultzatuz. Bideoaren grabaketagaz piztu zan alaitasun garra, Sakatu elektrotxarangaren laguntzaz sute baten bihurtu zan. Izin be, egunaren helburue elkarlanean korrika kulturalerako bideo bat grabetea zan, baina azkenean, grabeteaz gain, elkarlanean gozatu, dantzatu, maitatu eta kantatu be in gindun. Zenbetek esan ahal daurie giro berean haurrak, umeak, gazteak eta helduek dantzan ikusi dauriezela? Espero dogu behintzet honek balio izitea gaztetxearekiko dauzen aurreiritzi eta estereotipoak kolokan iminteko. Karabien herri oso bat kabitan da eta argi gelditu zan!!

Bideo hau lan horren amaierea da, baia baita etorkizunera begire lanean jarraituteko hasierea. Espero dogu gustukoa izitea eta ikusterakoan gozatutea guk iterakoan gozatu dogun beste. Atera gaitezen bidera Lemoa, atera gaitezen mundura!!! BAT, IZAN BAT, EGIN BAT!!!

Bihotzetik ahora ta Lemoatik mundu osora!!! https://www.youtube.com/watch?v=bd0QRPZeEhM

Oharra: Zorionak eta eskerrik asko danon atzetik pazientziaz eta dedikazioz aritu dan kamarari!!

KORRIKA KULTURALA

Aupa Korrikalari!

Badator Korrika!! Apirilak 6ean Lemoara heldu baino lehenago gorputzek berotuten hasi gure dogu. Horretarako Korrika Kulturala eguna ospatuko dogu eta danon arteako zirkoa sortu!

Martxoak 25ean, Korrikalari guztien jaia izatea da asmoa. Danon artean BIHOTZETIK AHORA LEMOATIK MUNDURA izeneko bideo bat grabauko dogu zeinetan modu  parte hartzaile eta dibertigarri baten euskararen mundura hurbiltzen ari dan euskaldun barri baten istorioa kontauko dogun.

Jai honetan grabatuko dana, sortu gure dan bideo osoaren zatitxo bat izango da. Zati honetan zirkoa irudikatuko dogu. Zirkoa sortzeko bakoitzak gure dauana egin ahalko dau; malabareak, monozikloak, pailasoak, magoak,… Norberak bere materiala, disfraza,…. eroatea proposatzen dogu. Halan da be, bertan danok erabilteko gauzatxoak egongo dira.

Grabaketarako 17.30etan geldituko gara gaztetxean alboan dagoen plaza gorrien. . Arratsaldean zehar tailer ezberdinak egongo dira; eskulanak, malabareak, musika, ….

Iluntzean musika eta dantza giroan jarraituteko Sakatu Elektrotxaranga entzun eta gozatzeko aukera aukingo dogu, herritik zehar, poteoan.

Jaiaren inguruan informazio gehiago gure izan ezkero; barikuetan 20.00etan landuko da gaia, asanbladan. karabielemoa@hotmail.com helbidera email bat agindu edo asanbladako kideren batera zuzenean galdetu.

Posible dan heinean, parte hartuko dozula abisetzea eskatzen deutsuegu, holan txukunago antolatzeko asmoz. Halan da be, abisatu ezean be etorri!!

GOAZEN KORRIKA DATORRELA OSPATU ETA GORPUTZEK BETOTUTERA!

IMG-20170312-WA0005