cropped-karabie.jpgHau Harriketarrak Gazte Asanbladaren web orrialdea da, Lemoako Karabie gaztetxearen inguruko albiste eta kontuak aurkituko dozuz hemen.

Lemoako gazteok herriko beharrizanei erantzuna eta irtenbidea emoteko tresna bat behar gendule eta, 1999an sortu gendun Harriketarrak Gazte Asanblada. Gazte talde bat batu eta herria pizten, alternatibak sortzen, mugitzen eta herria koloreztatzen hasi ginen. Hasiera baten harrobian egoan eraikin bat okupatu gendun eta urte batzuk beranduago lortu gendun Udalak gaur egungo gaztetxea dan eraikina iztea.

Hasieratik egin dogu lan modu autogestionatuan eta asanbladaren bidez. Betidanik esan dogu irudimena dala gure armarik onena eta horretan jarraitzen dogu. Bertan parte hartzen dogun gazteok asanbladetan unean uneko helburuak finkatzen doguz eta hilero programazio ezberdina antolatzen dogu: antzezlanak, kontzertuak, gai ezberdinetako hitzaldiak, bideo- emaldiak, erakusketak, jaiak etab. Ganera, betidanik eman dotsegu garrantzia sormenari, eta hori da gure oinarrietako bat; aldizkariak, laburmetraiak, ikuskizun ezberdinak etab. sortu izan doguz.